Kryeministri i Kosovës, Albin Kurti, ka folur për ndihmën ndaj ndërmarrjeve në Kosovë drejt rritjes së kapitalit dhe të numrit të punëtorëve.

Kurti tha se bizneseve u ka ndihmuar në disa aspekte, siç është energjia, por edhe heqja e korrupsionit “nga qafa”.

“Një aspekt është mbajtja e energjisë elektrike shumë e ulët për bizneset teknike dhe kjo u ka ndihmuar atyre dhe i kemi ndihmuar duke ua hequr nga qafa korrupsionin, nuk ka biznes që nuk e konstaton diçka të tillë”, ka thënë Kurti në intervistë në Rubikon, përcjell Reporteri.net.

Tutje, Kurti tha se bizneseve u ka ndihmuar edhe në aspektin e eksportit duke bërë vizita e politika si dhe duke ua lehtësuar kredimarrjen.

“I kemi ndihmuar duke i organiziuar sa më mirë për eksportet që i bëjnë, pra edhe ministri Murati edhe unë si kryeministër edhe kemi vizituar edhe kemi bërë politika ku ua kemi lehtësuar kredimarrjen dhe ua kemi lehtësuar edhe eksportin” ka thënë shefi i ekzekutivit.

“Ne kemi ulur shpenzimet dhe kostot dhe kemi produktivitetin e tyre”, shtoi ai. /Reporteri.net/