Albin Kurti dhe Isa Mustafa janë mbyllur të vetëm në një nga sallat e objektit të Kuvendit të Kosovës.

Kreu i VV-së, si fitues i zgjedhjeve të 6 tetorit, dhe ai i LDK-së që as këtë herë “nuk e mati veten” në votë, pritet t’i ndajnë postet ministrore për të bashkëqeverisur, shkruan Reporteri.net.

Ajo që tashmë është e sigurt, është se nëse gjerat shkojnë siç duhet mes tyre, Albin Kurti do të jetë Kryeministër, pasi ky postë i takon partisë së parë që ka dalur në zgjedhje.

LDK vazhdon të insistojë në postin e presidentit, e që VV-së ka dhënë sinjale të qarta se nuk parapëlqen që ky post të përfshihet në marrëveshje.

Në këtë takim, Kurti-Mustafa pritet të ndahen edhe postet ministrore, nga 12 sa thotë Kurti që do t’i ketë në Qeverinë e tij.

“Unë si kryeministër i ri do t’i kem 12 ministri”, tha Albin Kurti para se të hyjë në takim, duke shtuar se “kemi harmonizuar programin tonë në 100%”.

Takimi mes krerëve të VV-së dhe LDK-së ka nisur pak pas orës 14:00. /Reporteri.net/.