Kryetari i Vetëvendosjes, Albin Kurti, ka kritikuar mbajtjen e zgjedhjeve parlamentare të Serbisë në Kosovë.

Ai ka thënë se është i papranueshëm fakti që zgjedhjet lokale në dy komuna janë anuluar që disa muaj ndërkohë që ato parlamentare serbe po lejohen të mbahen.

“Lejimi i zgjedhjeve serbe në Kosovë ndërkohë që zgjedhjet lokale në dy komuna janë anuluar që disa muaj për shkak të Covid-19 është i papranueshëm. Qytetarët nuk do të qëndrojnë duarkryq ndërkohë që Presidenti dhe Qeveria e tij e paligjshme kërcënojnë demokracinë tonë dhe shkelin sovranitetin e vendit”, ka shkruar Kurti në Twitter, shkruan Reporteri.net.

Kujtojmë se zgjedhjet e parakohshme në komunat e Podujevës dhe të Mitrovicës së Veriut janë anuluar për një afat të pacaktuar për shkak të situatës pandemike. /Reporteri.net/.