Kryeministri Albin Kurti e ka nisur sot mbledhjen e Qeverisë duke kujtuar ngjarjet historike me të cilat muaji mars lidhet me popullin e Kosovës.

Kurti tha se muaji mars shënon rezistencën dhe sakrificën për liri dhe çlirim të popullit të Kosovës.

Ai para kabinetit qeveritar në 26 vjetorin e rënies heroike të Jasharëve, tha se atëherë kur Serbia e goditi familjen Jashari mendoi se po e shuan luftën çlirimtare, por në fakt ajo e bëri ushtri një popull të tërë.

“Jemi në muajin mars, në muajin që shënon rezistencën, e luftës tonë çlirimtare të Ushtrisë Çlirimtare të Kosovës, 5, 6dhe 7 marsin që shënojnë ditët e Epopesë së Lavdishme të UÇK-së, familjes Jashari me udhëheqjen e kryekomandantit Adem Jashari”

“Atëherë kur Serbia e goditi familjen Jashari mendoi se po e shuan luftën çlirimtare, por në fakt ajo e bëri ushtri një popull të tërë. Rezistenca, sakrifica dhe rënia e familjes Jashari shënon kthesën kyçe në historinë tonë më të re të përpjekjeve tona për çlirim”. 26 vjetori i Epopesë po shënohet me homazhe e nderime, seancë solemne, rreshtim të FSK-së në kazermën “Adem Jashari”…”, tha Kurti.

Kurti po ashtu tha edhe se gjatë muajit mars Kosova kujton edhe qindra masakra të kryera mbi popullsinë civile, fëmijë e pleq, gra e burra pa dallim  të ndërmarra në mënyrë të organizuar nga regjimi i Millosheviqit që udhëhiqte me shtetin e Serbisë aso kohe.

“Gjatë muajit mars Kosova kujton edhe qindra masakra të kryera mbi popullsinë civile, fëmijë e pleq, gra e burra pa dallim  të ndërmarra në mënyrë të organizuar nga regjimi i Millosheviqit që udhëhiqte me shtetin e Serbisë aso kohe.

Muaji mars shënon fillimin e bombardimeve të trupave të NATO-s mbi caqet ushtarake policore të Serbisë, dhe kësisoj çlirimin përfundimtar të vendit tonë”.“Muaji mars është shembull i një ecje të gjatë historike, të një populli që vuajti shumë, rezistoi, qëndroi, sakrifikoi dhe triumfoi për liri e demokraci, për çlirim e pavarësi. Nis me rezistencën dhe heroizmin dhe vazhdon me vuajtjen dhe sakrificën e popullit tonë, dhe përfundon me ndihmën e aleatëve e miqve ndërkombëtarë. Një muaj i hatashëm dhe një muaj i lavdishëm”, tha Kurti në mbledhjen e Qeverisë./Reporteri.net/