Kryeministri i zgjedhur i Kosovës Albin Kurti mëngjesin e së martës ka shkuar në selinë partisë.

Nga atje, Kurti u nis për në Qeveri ku pritet ta pranojë detyrën zyrtare.

Të hënën në mbrëmje, Kurti u zgjodh për herë të dytë kryeministër. Qeveria e udhëhequr nga ai mori 67 vota të deputetëve.

Pasi ta marrë zyrtarisht detyrën e kryeministrit nga Avdullah Hoti, Kurti do ta mbledh qeverinë.

Më pas do të shkojë për vizitë në kompleksin memorial “Adem Jashari” në Prekaz.

Zyrtari i parë i lartë që do të takohet me të është ambasadori i Bashkimit Evropian, Tomas Szunyog. /Reporteri.net/.