Kryeministri i Kosovës, Albin Kurti, ka thënë se Serbia ka kohë që tenton seriozisht ta shtrojë autoritetin e saj mbi Kosovën.

Kurti ka kujtuar se si, në 2021-ën, Serbia dërgoi në kufi me Kosovën disa avionë luftarakë si dhe ambasadorin rus në Serbi, Aleksandr Botsan-Kharchenko, siç tha ai, “për të na frikësuar”, shkruan Reporteri.net.

Ky i fundit vizitoi njësinë ushtarake të ushtrisë së Serbisë, e cila qe mobilizuar në Rashkë pas tensioneve për barrikadat.

Megjithatë, shefi i ekzekutivit ka shtuar se Kosova nuk do të zmbrapset në mbrojtje të demokracisë dhe sundim të ligjit.

Vuçiqi thotë se nuk e pyet askënd për t’i lëshuar avionët luftarakë

“Dy vjet më parë, Serbia dërgoi avionë luftarakë MiG-29 dhe Ambasadorin e Rusisë në kufirin tonë për të na frikësuar. Që atëherë, dhuna dhe agresioni i tyre është intensifikuar. Por ne mbetemi të vendosur në angazhimin tonë për të mbrojtur demokracinë dhe sundimin e ligjit në të gjithë Republikën e Kosovës”, ka shkruar Kurti.

Two years ago, Serbia sent MiG-29 fighter jets & Russia's Ambassador to our border to intimidate us. Since then, their violence and aggression have intensified. But we remain resolute in our commitment to safeguarding democracy and the rule of law throughout the Republic of 🇽🇰.

— Albin Kurti (@albinkurti) September 26, 2023

Tensionet në veri u rritën intensivisht pasi një grup kriminelësh, mëngjesin e së dielës, sulmuan Policinë e Kosovës nga ku mbet i vdekur rreshteri Afrim Bunjaku.

Në operacion kundër-terrorist, policia ka vrarë tre terroristë dhe ka arrestuar tetë të tjerë. /Reporteri.net/.