Juristja e medias, Flutura Kusari ka reaguar pasi Kosova shënoi rënie për 19 vende në indeksin vjetor për lirinë e medies nga “Reporterët pa Kufij”, duke u renditur e 75-ta nga 56-ta sa ishte vjet.

Kusari e ka cilësuar si alarmues këtë raport, duke shtuar se kjo është një njollë e zezë e shënuar sot në historinë e vendit tonë. Ajo ka thënë se regresi është alarmant, teksa ka renditur edhe pesë arsyet që sipas saj kanë çuar në këtë renditje.

Reagimi i plotë:

Alarmuese, alarmuese, alarmuese.

Nje njolle e zeze eshte shenuar sot ne historine e re te vendit tone. Njolle qe nuk do te hiqet lehte.
Kosova ka shenuar regres alarmant dhe eshte renditur 19 vende me poshte ne indeksin e Reportereve pa Kufinje sa i perket lirise se medias.

Pese arsyet qe kane cuar ne kete rezultat te turpshem te qeverisjes se koalicionit VV dhe Guxo jane:

1. Tentim mbyllja e Klan Kosova

2. Projektligji per KPM

3. Sulmet dhe denigrimet online qe iu behen gazetareve dhe aktivisteve kur e kritikojne pushtetin

4. Emerimi i njeriut te VV-se si drejtor i televizionit ne RTK dhe gjunjezimi (presioni) financiar qe po i behet transmetuesit publik

5. Pasiguria e gazetareve

Në Indeksin i fundit vjetor Botëror mbi Lirinë e Shtypit hartuar nga “Reporterët pa Kufij” , vërehet se mungesa e vullnetit politik për mbrojtjen e të drejtave të medias po përshpejton rënien e lirisë së saj.

Kosova përfshihet në grupin e vendeve ku mjedisi i medias është “problematik”. Ajo radhitet e 75-ta duke humbur 19 vende nga viti i kaluar, kur u listua e 56-ta.
/Reporteri.net/

Kosova bie 19 vende më poshtë në raportin e “Reporterëve pa Kufij”: Partia në pushtet shtoi trysninë ndaj medias së pavarur