Kush është personi që u kap nga Policia pasi u bë gati t’i lëshonte në treg 50 mijë euro false

Të mërkurën, Policia e Kosovës ka arrestuar një person i cili po përgatitej të lëshonte në treg shumën prej 50 mijë eurosh të falsifikuara, shkruan Reporteri.net.


Gazeta Online “Reporteri.net”  nga burime brenda Prokurorisë Themelore në Prishtinë, mëson se i arrestuari është Leotrim (Hasan) Alija i lindur më 25 tetor 1988. Alija është arrestuar dje nga Policia e Kosovës për për veprën falsifikim i parasë.

Për arrestimin e tij përmes një komunikate ka njoftuar edhe Policia e Kosovës.

“Policia e Kosovës përmes rrugëve operative me datë 16.09.2020 ka pranuar informacione se një person i dyshuar është duke prodhuar para të falsifikuara në bankënota të ndryshme si : 5 (pesë), 10 (dhjetë) dhe 20 (njëzet) euro. Njësia për Hetimin e Krimeve Ekonomike dhe Korrupsionit – Prishtinë ka ndërmarrë veprime të menjëhershme hetimore dhe operative, ku dhe është kuptuar se personi i dyshuar me inicialet L. A mashkull/ kosovar është në përgatitje të një shume prej 50.000 euro para të falsifikuara, për t’i lëshuar në treg”, thuhet në njoftimin e Policisë së Kosovës.

Në lidhje me rastin është kontaktuar prokurori kompetent dhe gjyqtari i procedurës ku nga dhe është dhënë urdhëri verbal për kontrollim të lokacionit ku dyshohej se po prodhoheshin paratë e falsifikuara.

Gjatë realizimit të kontrollit në lokacionin e dyshuar njësitë policore kanë gjetur dhe sekuestruar :
• Një printer së bashku me pesë (5) euro të ngjitura në faqen printuese,
• Gjashtëdhjetë e pesë (65) copa letër A4 me para të falsifikuara në të dy anët,
• Dyqind e dy (202) copa letër A4 me nga pesë (5) euro në të dy anët,
• Katër dhjetë e katër (44) kartëmonedhë nga 20 euro që dyshohet se janë të falsifikuara,
• Shtatëdhjetë e katër (74) kartëmonedha nga 10 euro që dyshohet se janë të falsifikuara,
• Njëqind e gjashtëdhjetë (160) kartëmonedha nga 5 euro që dyshohet se janë të falsifikuara,
• Një (1) kartëmonedhë prej 50 euro që dyshohet se është e falsifikuar,
• Foli me shenjë të sigurisë së parave dhe
• Dy telefona celular.

Pas kontrollit i dyshuari është arrestuar dhe i njëjti është intervistuar, në konsultim me prokurorin kujdestar të PTH-Prishtinë, i dyshuari dërgohet në ndalim për 48 orë.

Policia e Kosovës arreston të dyshuarin për veprën falsifikim i parasëPrishtinë, 23 shtator 2020Me datë 23.09.2020…

Publiée par Kosovo Police sur Mercredi 23 septembre 2020