Kuvendi i Kosovës e ka lënë në gjysmë debatin për dialogun i cili do të fillojë më 27 qershor në Washington, shkruan Reporteri.net. Por të enjten kryeministri Avdullah Hoti do të jetë në Bruksel në një vizitë zyrtare e më pas në Washington, më 27 qershor ku Kosova dhe Serbia takohen në Shtëpinë e Bardhë.

Kryetarët e Grupeve Parlamentare janë pajtuar që votimi i një rezolute do të shtyhet për seancën e radhës e cila pritet të mbahet të enjten.

Grupet Parlamentare të Vetëvendosjes dhe LDK-së i tërhoqën fjalimet e tyre, ndërsa për votimin e rezolutës nuk pati kuorum.

Kjo rezolutë sipas propozuesit Memli Krasniqi të PDK-së do të votohet në seancën e radhës.