Ka filluar mbledhja e Kryesisë së Kuvendit të Kosovës, nga ku pritet të përcaktohet edhe seanca e jashtëzakonshme për shpërndarje të Kuvendit të Kosovës.

Të pranishëm, në këtë mbledhje ende nuk janë përfaqësuesit nga të gjitha partitë politike.

Kjo mbledhje u thirr të premten nga kryetari i Kuvendit, Kadri Veseli. Të njëjtën ditë kur presidenti Hashim Thaçi i kërkoi atij që si bartës i koalicionit PAN, të mandatojë dikë tjetër për kryeministër, pas dorëheqjes së Ramush Haradinajt.

Mbledhja e kryesisë së Kuvendit ka dy pika të rendit të ditës, që janë miratimi i procesverbaleve nga mbledhja e mëparshme, dhe përgatitjet për mbajtjen e seancës plenare për shpërndarjen e Kuvendit të Legjislaturës së VI.