Ky është deputeti që ka fituar në të gjitha legjislaturat

Janë 17 deputetë të zgjedhur në Kuvendin e Kosovës që kanë fituar mandatin edhe së paku katër herë tjera.


Kryetari i AAK-së, Ramush Haradinaj është i vetmi në Kuvendin e Kosovës që është zgjedhur deputet në të gjitha legjislaturat nga paslufta.

I pari i AAK-së ka fituar tetë herë besimin e qytetarëve për t’i përfaqësuar ata në parlament, njofton Telegrafi.

Mirëpo ka pasur raste kur Haradinaj është tërhequr nga mandati i përfaqësuesit të popullit për arsye të ndryshme.

Pas Ramush Haradinajt, Xhavit Haliti më së shumti mandate ka fituar në Kuvendin e Kosovës.

Haliti shtatë herë ka fituar ulëse në Kuvendin e Kosovës, duke dështuar vetëm një herë të bëhet deputet (zgjedhjet e vitit 2019).

Edhe kandidati i PDK-së për kryeministër, Enver Hoxhaj ka arritur të fitojë shumë mandate në Kuvendin e Kosovës.

Hoxhaj ka arritur të fitojë votat e mjaftueshme për t’u bërë deputet që nga zgjedhjet e dyta të pasluftës në plotë gjashtë legjislatura.

Deputeti tjetër i PDK-së, Memli Krasniqi edhe pse jo në moshë, ai është veteran i Kuvendit.

Krasniqi, deri në vitin 2007 ishte i njohur për publikun për muzikën që bënte. Pas aderimit në PDK ai fitoi besimin e qytetarëve në të gjitha zgjedhjet pasuese duke u bërë deputetë në gjashtë legjislatura.

Janë edhe 14 deputetë të zgjedhur në Kuvendin e Kosovës që mandatin e deputetit e kanë fituar për të pestën herë.

Telegrafi publikon listën e deputetëve dhe mandatet e fituara ndër vite
Ramush Haradinaj (2001, 2004, 2007, 2010, 2014, 2017, 2019, 2021)

Xhavit Haliti (2001, 2004, 2007, 2010, 2014, 2017, 2021)

Enver Hoxhaj (2004, 2007, 2010, 2014, 2017, 2019, 2021)

Memli Krasniqi (2007, 2010, 2014, 2017, 2019, 2021)

Behgjet Pacolli (2007, 2010, 2017, 2019, 2021)

Glauk Konjufca (2010, 2014, 2017, 2019, 2021)

Vjosa Osmani (2010, 2014, 2017, 2019, 2021)

Glauk Konjufca (2010, 2014, 2017, 2019, 2021)

Liburn Aliu (2010, 2014, 2017, 2019, 2021)

Blerta Deliu – Kodra (2010, 2014, 2017, 2019, 2021)

Bekim Haxhiu (2010, 2014, 2017, 2019, 2021)

Arben Gashi (2010, 2014, 2017, 2019, 2021)

Anton Quni (2010, 2014, 2017, 2019, 2021)

Armend Zemaj (2010, 2014, 2017, 2019, 2021)

Hykmete Bajrami (2010, 2014, 2017, 2019, 2021)

Time Kadriaj (2010, 2014, 2017, 2019, 2021)

Daut Haradinaj (2010, 2014, 2017, 2019, 2021)