Kryetari i Bujanocit, Shaip Kamberi, do të jetë i pari në listën për zgjedhjet parlamentare nga koalicioni i shqiptarëve.

Ministri i Jashtëm i Shqipërisë, Gent Cakaj, ka mbledhur sot të gjithë krerët e partive politike të Luginës së Preshevës, në mënyrë që t’i bashkohen një liste të vetme në zgjedhjet parlamentare.

Këtë e ka bërë të ditur vet ai përmes një shkrimi në rrjetin social Facebook, ku ka thënë se ky bashkim do t’i shërbejë fuqizimit të Luginës së Preshevës.
Lista e përbashkët e partive shqiptare në zgjedhjet e ardhshme parlamentare në Serbi, do të quhet ‘Alternativa Demokratike Shqiptare – Lugina e Bashkuar’.

Ndërkaq burimet e Gazetës Metro, bëjnë të ditur se kryetari i Bujanocit, Shaip Kamberi do të jetë i pari ai që do t’i prijë listës së koalicionit.

I dyti në listë do të jetë kandidati i Alternativës për Ndryshim.

Marrëveshja e koalicionit është nënshkruar nga Shaip Kamberi prej PVD’së, Shqiprim Arifi nga APN, Sami Salihu PDSH dhe Shqiprim Musli i LPD’së, në prani të Ministrit të Jashtëm të Shqiprisë Gent Cakaj.