Në aksionin e djeshëm të Njësisë Speciale të Policisë së Kosovës në veri të vendit kanë mbetur të lënduar disa serbë nga Zubin Potoku të cilët kishin dalë për të penguar aksionin e policisë.
Përmes shkrimeve në mediat serbe, vazhdimisht po tentohet të proklamohet se ata janë rrahur nga policia e Kosovës. Ky informacion gjatë ditës së djeshme është mohuar nga zyrtarët policorë, të cilët kanë thënë se kanë bërë punën e tyre në përputhje me kompetencat që u takojnë, shkruan Reporteri.net.
Mediat serbe edhe sot kanë publikuar disa fotografi të banorëve serbë të veriut të cilët pretendojnë se kanë pësuar lëndime të rënda gjatë ditës së djeshme.
Njëri prej tyre është Razvigor Cvetiq, 66 vjeçar i cili pretendon se u sulmua ndërkohë që po hynte në një dyqan aty pranë.
Ndryshe Zëvendësi i drejtorit të qendrës mjekësore në Mitrovicë, Zlatan Elek gjatë ditës së djeshme ka bërë të ditur se vetëm dy serbë kishin pranuar trajtim mjekësor në Qendrën Spitalore Klinike në Mitrovicë. Ai po ashtu kishte konfirmuar se gjendja e tyre shëndetësore ishte e mirë dhe nuk kishin pësuar lëndime të rënda. /Reporteri.net
