I dërguari special i Bashkimit Evropian për dialogun Kosovë-Serbi, Miroslav Lajçak para fillimit të takimeve në Bruksel ka folur rreth pritshmërive të tij lidhur me takimin e sotëm.

Lajçak ka thënë se ka pritshmëri të larta nga takimet.

“Kam pritje të larta, të vazhdojmë përpara”, tha Lajçak, i pyetur nga Kanal 10.

Tutje ai tha se presin edhe implementimin e marrëveshjes.

I pyetur  nëse është dita e një dokumenti për marrëveshjen “merre ose lëre”, Lajçak tha se nuk negociojnë në atë mënyrë.

“Ne nuk negociojmë më mënyrën “Merre ose lëre, kjo duhet të jetë pajtim mes dy palëve në të cilën jemi duke iu ndihmuar”, tha ai.

Sipas agjendës së publikuar nga faqja zyrtare e Bashkimit Evropian, Kurti dhe Vuçiq pritet që pas pak të nisin takimet me krerët evropianë, ndërsa takim të përbashkët mes tyre nuk do të ketë.

Kryeministri Kurti tashmë ka arritur në ndërtesën ku do të zhvillohet takimi.  Aty kanë mbërritur edhe presidenti francez, Macron dhe kancelari gjerman Scholz./Reporteri.net/