Lajçak takohet me të dërguaren e Greqisë për Ballkanin Perëndimor, flasin për dialogun Kosovë – Serbi

Emisari special i BE-së për dialogun Kosovë – Serbi, Miroslav Lajçak, ka takuar të dërguaren speciale të Greqisë për Ballkanin Perëndimor, Sofia Grammata.

Gjatë takimit, Lajçak e Grammata folën për përpjekjet e BE-së për normalizimin e marrëdhënieve në mes Kosovës e Greqisë.

“Me të dërguaren e Greqisë për Ballkanin Perëndimor, unë fola për përpjekjet tona për avancimin e normalizimit të marrëdhënieve midis Kosovës dhe Serbisë dhe rolin e rëndësishëm të Greqisë në rajon”, ka thënë Lajçak, shkruan Reporteri.net.

Gjatë ditës, Lajçak u takua edhe me ministrin e Jashtëm serb, Ivica Daçiq, ku temë kyçe e takimit ishte dialogu Kosovë – Serbi dhe normalizimi i marrëdhënieve.