LAJMI I FUNDIT: Edhe 2 raste me koronavirus, shkon në 19 numri i të infektuarve

Janë konfirmuar edhe dy raste me koronavirus në Kosovë, duke cuar në 19 numrin e përgjithshëm të të infektuarve.


Instituti i Shëndetësisë Publike e ka konfirmuar lajmin, duke thënë se bëhet fjalë për dy persona nga Gjakova, shkruan Reporteri.net.

Një burrë dhe një grua janë të infektuarit e fudit, të cilët kishin ardhur nga Gjermania.

“Nga data 08.02.2020 deri me 17.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 284 mostra të dyshimta në virusin SARS-CoV-2 dhe gjithsej nëntëmbëdhjetë prej tyre kanë rezultuar pozitive. Sot me 17.03.2020 janë konfirmuar edhe dy raste pozitive për virusin SARS-CoV-2: Rastet janë nga komuna e Gjakovës, të kthyer nga Dusseldorfi i Gjermanisë, njëri i gjinisë mashkull 54 vjeç dhe tjetri i gjinisë femër 49 vjeç”, thonë Instituti./Reporteri.net