Ilir Ferati është zyrtarizuar nga Lidhja Demokratike e Kosovës si kandidat për kryetar të komunës së Istogut, për zgjedhjet lokale të 17 tetorit.

Ferati është zgjedhur kandidat me vendim të kryesisë së LDK-së. Ai është djali i ish kryetarit të Istogut, Fadil Feratit, i cili kishte vdekur në vitin 2010.

Komuna e Istogut njihet si ‘bastion’ i LDK-së, ndërsa në zgjedhjet lokale të 2017-ës kishte fituar Haki Rugova, të tretin mandat me radhë.

Lidhja Demokratike e Kosovës përmes një komunikate për media ka zyrtarizuar kandidatët për kryetar në 10 komuna të Kosovës, për zgjedhjet lokale të vjeshtës së këtij viti.