Sot vëllai i kryetarit të Drenasit, Ramiz Lladrovcit, Emri Lladrovci, ka bërë të ditur se më nuk do të jetë anëtar e as votues i Partisë Demokratike të Kosovës.

Pas këtij vendim të tij, ka reaguar kryetari i Drenasit, Ramiz Lladrovci.

“Vëllau im, Emriu, ka qenë ushtar në Njësinë speciale të Brigadës 111 të UÇK-së – Adem Jashari. Ai iu bashkua zjarrit të luftës në moshën shtatëmbëdhjetë vjeçare dhe nuk u largua asnjëherë nga betejat, pavarësisht plagëve në kokë e në gjoks. Për më shumë, ka qenë dy herë asamblist në asamblenë komunale dhe ka dhënë kontribut të jashtëzakonshëm në shërbim të Partisë Demokratike të Kosovës. Ai gëzon të drejtën e patjetërsueshme për të pasur qëndrime personale politike, ndërsa unë mbetem shumë krenar me veprimtarin e tij kombëtare dhe politike”, shkroi Lladrovci në Facebook.

Vëllai i Ramiz Lladrovcit: Nga sot nuk do të jem anëtar e as votues i PDK-së