Përfundon numërimi i votave të Diasporës për Prishtinën, Çeku i merr mbi 55 përqind – Rama i dyti

Numërimi i votave të Diasporës për Kryetar të Prishtinës, ka përfunduar.

Sipas rezultateve të KQZ’së, Hajrulla Çeku i VV’së prin me 55.38 përqind apo 571 vota, shkruan Reporteri.net.

Pas tij renditet Përparim Rama me 26.67 përqind dhe Uran Ismaili me 11.93 përqind.

Ndërkohë, tek rezultatet e përmbledhura, ku përfshihen edhe ato të Qendrave Komunale të Numërimit e edhe ato të Qendrës së Numërimit dhe Rezultateve, Rama vazhdon të jetë i pari me 35 mijë e 465 vota, pasuar nga Çeku me 34 mijë e 951 vota.

Uran Ismaili renditet i treti me 29 mijë e 91 vota.

Rama dhe Çeku do të përballen në balotazh me 9 nëntor./Reporteri.net