Deputetët e PDK-së, LDK-së dhe AAK-së kanë vazhduar të qëndrojnë në sallën e Kuvendit, edhe pasi Kryesuesi Avni Dehari i ndërpreu punimet.

Deputetja e Lidhjes Demokratike e Kosovës, Jehona Lushaku – Sadriu tha se as dështimi i 42-të nuk është i rastësishëm, por sipas saj, është rezultat i një papërgjegjësie totale politike e Lëvizjes Vetëvendosje.

“Një parti i ka marrë peng institucionet e Kosovës, e ka bllokuar kuvendin vetëm për ta mbajtur veten në qeveri pa legjitimitet. Ky nuk është aksident politik, por është projekt i qëllimshëm për ta ruajtur me çdo kusht pushtetit, në kundërshtim të plotë me demokracinë dhe Kushtetutën e vendit”.

Shteti ynë po testohet në themelet e veta, jo nga një fatkeqësi natyrore as nga ndonjë armik i jashtëm, por nga teket politike të VV-së. Kjo është një krizë e prodhuar me vetëdije, e cila po e sfidon rëndë shtetin tonë, rendin kushtetues dhe funksionalitetin e Kosovës”, tha Lushaku-Sadriu.