Nënkryetari i LDK-së Lutfi Haziri nuk ka mohuar mundësinë që ai të jetë kryeministër i ardhshëm i qeverisë që po provohet të krijohet nga LDK-ja bashkë me AAK-në e NISMA-n.

Megjithatë, sipas Hazirit, së pari do të shqyrtohet kandidimi i kryetarit të partisë Isa Mustafa, pastaj vijnë opsionet tjera.

Sipas tij, kjo varet nese Mustafa e pranon një gjë të tillë, shkruan Reporteri.net.

Madje, Kryetari i Gjilanit e konsideron Mustafen si kandidat konsensual brenda partisë.

“Emri i LDK-së për kryeministër do të diskutohet në struktura të LDK-së. Emër i pa kontestuar është zotëri Isa Mustafa, nëse e pranon”, thotë ai në T7.

Tutje, ai thotë se Isa Mustafa, dy herë është tërhequr nga gara, duke iu dhënë mundësinë e kandidimit për kryeministër, përmes zgjedhjeve, një herë Avdullah Hotit e pastaj Vjosa Osmanit.

“Si duket ai është duke e parë mundësinë e emrit të tretë”, thotë ai duke mos mohuar se ky emër të jetë vetë Haziri. /Reporteri.net/.