Maloku: Dhash dorëheqje nga VV-ja sepse aty nuk lejohet mendimi ndryshe

Lajme

Maloku: Dhash dorëheqje nga VV-ja sepse aty nuk lejohet mendimi ndryshe

Reporteri

08 Maj 2020 | 23:37

Ende pa i bërë 1 vit prej aderimit në VV, Flamur Maloku, ka dhënë dorëheqje nga partia e Albin Kurtit, duke akuzuar VV-në për linçime dhe fyrje të njerëzve e familjeve të tyre për ta parandaluar mendimin ndryshe.

Ai tha sonte në Klan Kosova se ka dhënë dorëheqje nga VV pasi aty nuk ka mendim ndryshe dhe nuk lejohet mendimi ndryshe.

“Vetëm pse e dhash një mendim për këshilltarin e Albin Kurtit, Shkelzen Gashi, filluan të më sulmojnë. Mua kjo më frikëson sepse VV po sulmojnë dhe po linçojnë”, tha Maloku.

Lexo edhe:

Dy muaj ngërç, Kuvendi nesër mblidhet në tentativën e 32-të për konstituim

SHBA-ja falënderon Kosovën për dakordimin për të pranuar migrantët e dëbuar: Shteti i parë në Evropë që e bën këtë

Gjendet pa shenja jete një person në Pejë

“Njëri nga shqetësimet e mia pse jam larguar nga VV është se jam shqetësuar nga qëndrimi i Albin Kurtit për Shkelzen Gashin. Albini e ka ditë qëndrimin e Shkelzen Gashit para se ta angazhoj këshilltar. Por po ashtu pas shkarkimit, deklarata e Albinit ka qenë shqetësuese”, tha Maloku.

Ai paralajmëroi se ditëve në vijim do të publikojë edhe shumë fakte të reja shqetësuese që do të dëshmojnë arsyen e largimit.

Ai tha se nga VV ua sulmojnë njerëzve edhe familjet.

Shpërndaje: