Sërish ka pasur një dridhje në pjesën perëndimore të Maqedonisë së Veriut.

Tërmeti ka ndodhur në ora 16:43, ndërsa fuqia ka qenë 4 ballë.

Epiqendra raportohet të ketë qenë 14 kilometra larg Gostivarit.

Ndryshe, Maqedonia është goditur sot nga disa tërmete të njëpasnjëshme. Në pesë shtete të Ballkanit janë ndjerë lëkundjet e tërmetit të fuqishëm që goditi vendin rreth orës 15:30.

Tërmeti sipas të dhënave të para ishte i fuqisë 5.2 shkallë me epiqendër Mavrovën e Maqedonisë.

Shtetet që janë afektuar nga lëkundjet ishin Maqedonia, Kosova, Shqipëria, Mali i Zi dhe Greqia.

Lëkundje të fuqishme janë ndjerë sidomos në jug të Kosovës.