Deputeti i PDK-së, Memli Krasniqi ka kritikuar ish-ministrin e Shëndetësisë, Arben Vitia, lidhur me testet e Serbisë.

Ai ka thënë se ato kanë ardhur në gepek, jo në bagazh, madje nga punëtorët e Gjuriqit.

Ai ndërsa foli për donacionet që kanë ardhur nga Serbia në kohën sa ministër ishte Uran Ismaili i PDK-së, tha se të njëjtat,  kanë ardhur me dokumentacione, ndryshe nga testet që kanë ardhur nga Serbia.

“Kemi me i pru me dokumente krejt donacionet që kanë ardhur në të kaluarën, sepse kanë ardhur me dokumente. E vetmja herë që kanë ardhur pa dokumentacion është kjo në kohën tuaj”, tha ai, shkruan Reporteri.net.

Ai përmendi edhe shkarkimin e Naser Ramadanit.

“Pse spo iu vjen keq me e përmend Naser Ramadanin, ju e keni shkarku Naser Ramadanin nga bordi i SHSKUK-së. Mos dilni ktu tash me livdu njerin. Në bordin ku ka qenë kryesues, në bordin ku e ka ba kryesues një ish-ministër i PDK-së. Qysh ja keni nis me shkarku ju, e kishit shkarku edhe nga IKSHP”, ka thënë Krasniqi. /Reporteri.net/.