×
  • Lajme
  • Lajme

    Memli Krasniqi: Tentimi i VV-së për t’i shtyrë zgjedhjet është suspendim i demokracisë

    Reporteri
    07 Shtator 2021 | 22:51

    Kryetari i Partisë Demokratike të Kosovës, Memli Krasniqi, ka thënë se tentimi për t’i shtyrë zgjedhjet lokale të 17 tetorit në Kosovë është suspendim i demokracisë.


    Këtë deklaratë Krasniqi e ka bërë në emisionin “Politiko” të Kanal 10.

    Kjo deklaratë e Krasniqit vije pas deklarimit të kryetarit të Kuvendit të Kosovës, Glauk Konjufca i cili mbrëmë tha se po të pyetej ai do të shtyheshin zgjedhjet.

    “Edhe nëse kjo qeveri vërtetë mund të manifestojë në logjikën e vet dhe mendësinë e vet qeverisëse ndonjëherë elemente për krijimin e qeverijes autoritare unë nuk mendoj se do të kishte në Kosovë qeveri që do ta suspendonte demokracinë. Anulimi i zgjedhjeve do të ishte i barabartë me suspendim të demokracisë. Këto janë zgjedhje lokale të parapara me kohë. Tashmë ne kemi mbajtur zgjedhje në pandemi dhe konsideroj se u bë punë e jashtëzakonshme nga KQZ dhe nga qytetarët dhe ne nuk pamë që dita e zgjedhjeve rezultoi me rritjen e numrave”, tha ai.

    Ai ka thënë se opozita është shprehur e gatshme për shkurtimin e kohës së fushatës dhe ka propozuar që fushata zgjedhore mund të bëhet edhe nëpërmjet platformave digjitale mediale.

    Krasniqi tha se kjo gjendje tragjike e pandemisë u shkaktua nga keqmenaxhimi i qeverisë e cila nuk siguroi vaksinim e termine për vaksina ndërkohë që i liroi gjitha masat që quan në shpërthim të virusit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!