Ministria e Drejtësisë ka bërë të ditur se gjatë tri viteve të fundit ka krijuar lehtësira për qytetarë dhe biznese, duke ulur tarifat e shërbimeve ligjore, raporton gazeta online Reporteri.net. 

Sipas tyre, nga kjo ministri ka pasur ulje për 40 % të tarifave të përmbaruesve privatë, uljen për 25 % të tarifave të shërbimeve noteriale dhe heqjen nga përmbarimi të disa pagesave për kategori të caktuara.

“Janë krijuar lehtësi për qytetarët dhe bizneset duke ulur tarifat e shërbimeve ligjore:

40% ulje në tarifat e përmbaruesve privatë;
25% ulje në tarifat e shërbimeve noteriale;
Janë hequr 100% nga përmbarimi:
 Pensionet deri në nivelin e pagës minimale,
 Skemat sociale, si dhe
 Ndihmat emergjente të Qeverisë“, thuhet në njoftim.

Tutje, thuhet se këto ndryshime bëhen për të siguruar që drejtësia të jetë më e përballueshme dhe e qasshme për të gjithë.

/Reporteri.net/.