Ministria e Punëve të Brendshme, që udhëhiqet nga Xhelal Sveçla, ka shpallur tender për furnizim me një divan.

Për blerjen e këtij divani, kjo ministri ka shpenzuar gati 900 euro, shkruan Gazeta Online Reporteri.net.

Në dosjen e tenderit s’jepen detaje se për kë është blerë ky divan apo ku do të vendoset, vetëm përshkruhen karakteristikat që duhet t’i ketë.

“Furnizim me një divan cilësor me dimensione 2.55 m i gjate ndërsa thellësia 1.26 m, lartësia 0.89 m, ngjyre e kaltër e mbyllte me material plish (manoli 79) këmbët e divanit nga metali”, thuhet në dosje.

Fituese e këtij tenderi është shpallur “LESNA ING AF”.

Kontrata është nënshkruar dje./Reporteri.net