Ambasadori i Gjermanisë në Kosovë, Jorn Rohde ka reaguar pas miratimit të Ligjit për KPM-në sot në Kuvendin e Kosovës, shkruan Reporteri.net.

Në një reagim të bërë në platformën “X”, Rohde thotë se nëse Qeveria e Kosovës dëshiron të përshpejtojë rrugën drejt BE-së, atëherë çdo ligj i ri duhet të jetë në përputhje me standardet e BE-së, KiE-së dhe OSBE-së.

Tutje në postimin e bërë ai thotë se këto kanë dhënë rekomandimet e tyre por që janë injoruar.

“Çdo mundësi e humbur është një më shumë. Kosovarët duan të jenë pjesë e familjes evropiane dhe nëse Qeveria e Kosovës dëshiron të përshpejtojë rrugën e saj drejt Bashkimit Evropian, çdo ligj i ri duhet të jetë plotësisht në përputhje me standardet e BE-së, KiE-së dhe OSBE-së të cilët kanë dhënë opinionet e tyre për ligjet, por janë injoruar”, shkruan Rohde në platformën “X”.

Every missed opportunity is one too many.
Kosovars want to be part of the 🇪🇺 family and if the 🇽🇰 gov wants to accelerate its path towards 🇪🇺, any new law should be fully in line with 🇪🇺 standards. EU, CoE and OSCE have given their opinions on the laws, but have been ignored… https://t.co/Y8AuJwtTwg

— Ambassador Jörn Rohde (@GermanAmbKOS) July 11, 2024

Projektligj për KPM-në është votuar lexim të dytë në Kuvendin e Kosovës, në seancën e sotme.

Projektligji me 93 amendamente, i cili parasheh licencimin e mediave online, monitorim e tyre dhe gjoba deri në 40 mijë euro është konsideruar i dëmshëm, pasi rrezikon të cenojë lirinë e shprehjes dhe lirinë e mediave.

Përkundër kësaj, ai tashmë është miratuar në Kuvend, pasi pushteti e votoi me 59 vota pro, derisa dy abstenuan.

/Reporteri.net/