Deputetja nga radhët e PDK;së, Ganimete Musliu, ka reaguar pasi Ministri i Punëve të Brendshme, Xhelal Sveçla e shkarkoi nga pozita e Drejtorit të Përgjithshëm të Agjencisë së Emergjencave të Kosovës, Fadil Kodrën, i cili ka qenë bashkëluftëtar i Adem Jasharit.

Musliu e ka quajtur këtë “përndjekje politike e rajonale me mentalitet të viteve të ’90-ta.”

“Përndjekjet politike e rajonale me mentalitet të viteve të ‘90-ta, s’kane të ndalur. Xhelal Sveçla, e paska shkarku sot Fadil Kodrën, i cili ka pasur pozitën e ushturesit të detyrës së drejtorit të Agjencisë për Menaxhim të Emergjencave. Si duket veprimtaria kombetare e z.Kodra e bënë të pa përshtatshem për këtë Regjim. STOP? MASAVE TË DHUNSHME!”, ka shkruar Musliu.