Në mars pritet të filloj rregullimi i kullave të Jasharajve me një fond prej 6 milionë euro.

Artilerisë serbe i kishin bërë ballë më shumë se dy dekada më parë.

E kullat e Jasharajve, në Prekaz, tash e një kohë po rrezikojnë të shkatërrohen nga moti i ligë dhe mungesa e kujdesit.

Dëmtimet janë të dukshme dhe pjesë të tyre po mbahen me mbajtëse të improvizuara.

Një pjesë e çatise, tashmë ka rënë.

E në të gjitha pjesët, mbajtëset e hekurit tashmë janë ndryshkur.

Vendi që ruan historinë e lavdishme të familjes Jashari, rrezikon dëmtim edhe më të madh dita-ditës.

Kjo po i shqetëson edhe vizitorët kompleksit në Prekaz.

Ndërkohë, si të nevojshme ndërhyrjen e shtetit për ta rregulluar sa më parë këto monumente po e shohin edhe banorët e këtij vendi.