Nëna e Faton Hajrizit, Shehrije Hajrizi, i ka bërë thirrje atij që t’i dorëzohet drejtësisë.

Ajo ka thënë se nuk kishin vërejtur asnjë shenjë se i njëjti po planifikonte të arratisej, tashmë për të nëntën herë.

“Absolut, bile tha tri ditë e tri netë I kam, po një ditë e një natë e kom lanë mbas një jave me dal apet. Na kurrfarë s’kemi mujt me vërejt absolut”, ka deklaruar ajo.

Momentin kur e kuptoi për arratisjen e djalit, ajo Shehrija thotë se u shokua.

“Jam ra në shok”, deklaron ajo.

Historinë e djalit të saj thotë se e njeh edhe Presidentja Vjosa Osmani, meqë sipas saj, në kohën kur Fatoni ka qenë i mitur, Osmani ka qenë përkthyese.

“Edhe Presidentja Vjosa Osmani e di shumë mirë ngjarjen e Fatonit se në vitin 2000-2001, edhe derisa u kanë Fatoni i mitur, Presidentja u kanë përkthyese”.

Në fund, ajo i është drejtuar djalit të saj me një thirrje.,

“Nëse sado pak na e ki hatrin si prind,  dorëzoju drejtësisë”, ka deklaruar ajo në një intervistë për T7.

Hajrizi është arratisur për të nëntën herë.

Cilat janë veprat për të cilat gjykata e gjeti fajtor Faton Hajrizin dhe e dënoi më plot 25 vjet burgim?