Nënoficeri i FSK-së që vdiq sot ishte ushtar i UÇK-së

Forca e Sigurisë së Kosovës ka njoftuar përmes një njoftimi se ka vdekur nënoficeri i saj Baki Ejupi.


FSK njofton se ai ka shërbyer me përkushtim të madh në Brigadën e Reagimit të Shpejtë të Batalionit të Tretë në Mitrovicë, që nga themelimi i Forcës së Sigurisë të Kosovës.

“Sot ndërroi jetë nënoficeri i Forcës së Sigurisë të Kosovës Kapter Baki EjupiMinistria e Mbrojtjes njofton se sot në vendin e tij të punës, pas një ataku kardiak, ka ndërruar jetë nënoficeri i Forcës së Sigurisë të Kosovës, Kapter Baki Ejupi.
Baki Ejupi qysh herët iu bashkua Ushtrisë Çlirimtare të Kosovës në Zonën Operative të Llapit, Brigada 152, ndërsa me krijimin e Trupave të Mbrojtjes së Kosovës, ka shërbyer në Zonën e Pestë të TMK-së.
Kapter Baki Ejupi, pas vetës ka lënë bashkëshorten dhe tre fëmijë, dy djem dhe një vajzë.Për homazhet dhe ceremoninë e varrimit të ndjerit do të njoftoheni me kohë”, thuhet në njoftimin e FSK-së.

Kapteri Baki Ejupi, ka lindur më 08.05.1974 në fshatin Sekiraqë – Komuna e Podujevës.

Ai ka shërbyer me përkushtim të madh në Brigadën e Reagimit të Shpejtë të Batalionit të Tretë në Mitrovicë, që nga themelimi i Forcës së Sigurisë të Kosovës.  /Reporteri.net/.