Dritan Abazoviq edhe zyrtarisht është mandatuar për kryeministër të Malit të Zi, dhe nesër kabineti i tij, do të votohet në parlamentin malazez. Përveç tij, në qeverinë e re malazeze do të jenë edhe dy shqiptar të tjerë, për të drejtuar resorë ministrorë.

Qeveria e Abazoviqit do të ketë gjithsej 18 ministri, ku dy prej tyre do të drejtohen nga ministra shqiptar.

Marash Dukaj do të drejtojë ministrinë e Administratës Publike. Ai është i lindur në vitin 1985 në Tuz, shkruan Gazeta Online Reporteri.net.

Ndërsa ministria tjetër që do të drejtohet nga një shqiptar, është ajo e të Drejtave të Njeriut dhe të Pakicave, ku ministër është caktuar Fatmir Xheka. Ai ka lindur në Tivar më vitin 1975. Xheka ka qenë ish-kryetar i Komunës së Ulqinit, e edhe deputet shumëvjeçar i Kuvendit të Malit të Zi. /Reporteri.net