Nga e marta vendi pritet që të mbyllet për 12 ditë

Ministri i Shëndetësisë, Arben Vitia, sot ka takuar përfaqësuesit e Shoqatës së Gastronomëve.


E lidhur me këtë, Kryetari i Shoqatës së Gastronomëve, Petrit Kllokoqi, në një prononcim për Gazetën Online “Reporteri”, ka thënë se gjatë këtij takimi është diskutuar që vendi të mbyllet për 12 ditë nga dita e martë.

“Po është diskutuar që shkollat, kafeteritë dhe qendrat tregtare të mbyllen për 12 ditë nga e dita e martë, javën e ardhshme. Ne jemi kundër kësaj”, tha ai për Reporterin.

Po ashtu, Kllokoqi tha se në këtë takim është diskutuar lidhur me rritjen e rasteve me koronavirus në Kosovë ditëve të fundit.

Ndërkaq, kapacitetet spitalore kanë zënë që të shterohen, pasi që në Klinikat e QKUK-së është një numër shumë i madh i pacientëve të cilën po trajtohen për COVID-19.

Ende nuk dihet se kur do të merret ndonjë vendim për masat e reja anti-COVID nga organet kompetente.