Nga QKUK japin detaje për gjendjen e personit në banesën e të cilit shpërtheu zjarri

Një banesë në lagjen “Ulpiana” në Prishtinë gjatë ditës së sotme është përfshirë nga zjarrin.


Policia ka konfirmuar rastin për Reporterin duke thënë se si pasojë e këtij zjarri, në total 11 persona kanë kërkuar ndihmë mjekësore.

Ndërkohë që shkaqet e zjarrit ende nuk dihen, Mjeku kujdestar në qendrën e reanimimit në QKUK, ka folur për gjendjen shëndetësore të personit në banesën e të cilit shpërtheu zjarri. Ai ka thënë se pacienti i cili është i moshës 30-vjeçare ka pësuar disa djegie në dorë dhe këmbë si pasojë e zjarrit, mirëpo gjendja e tij shëndetësore është e mirë.

“Për momentin veç një pacient është. Rreth orës 9 të mëngjesit ndihma e shpejtë e ka sjellë, gjinia mashkull, rreth 30-tave i lindur. Për shkak të djegies të banesës në Prishtinë, gjendja e tij është stabile, e ka të djegur dorën e djathtë dhe këmbën e majtë. E ka marrë terapinë, ka me qëndru edhe nja 1 orë në reanimim dhe më pas do të dërgohet në kirurgji plastike. Për momentin në reanimim nuk ka pasur pacientë të tjerë, në repartet tjera nuk e di”, ka thënë ai. /Reporteri.net