NISMA distancohet nga anëtari i saj i cili u arratis për 'avullimin' e 2 milionë Eurove të Thesarit

Reporteri

21 Tetor 2020 | 20:50

Nisma Socialdemokrate, pas raportimit të Gazetës Online ‘Reporteri.net’ është distancuar nga anëtari i saj Kadri Shala, i cili është njëri nga biznesmenët, në arrati, i dyshuar për përfshirjen në vjedhjen e 2 milionë Eurove nga Thesari i Shtetit.

Sekretari i Përgjithshëm i Nismës, Bilall Sherifi, ka thënë se ai nuk e njeh atë, por kushdo qoftë e dënon këtë akt.

“Nisma distancohet nga një veprim i tillë dhe fton gjithë sistemin e drejtësisë ta ndjekin këtë rast deri në fund për të kthyer paratë deri në fund dhe ata të marrin deëmin”, ka thënë ai në Kanal 10.

Lexo edhe:

“Zjerm në Eurovision!”, Kurti bën thirrje të votohet për ta dërguar Shqipërinë në finale

Shqipëria “shndrit” Eurovisionin

Ish-avokati i Hashim Thaçit emërohet Prokuror i Përkohshëm në ShBA

Më tutje, ai ka thënë se është për t’u dënuar ky veprim dhe se kjo duhet të shërbeje si alarm për siguri më të madhe në sistemin financiar.

“E dënoj fuqishëm aktin e vjedhjes së parave, por gjithkund në botë ku punohet me para duhet të këtë siguri më të madhe”, ka shtuar ai.

Gazeta Online ‘Reporter.net’ shkroi se një nga biznesmenët e arratisur për rastin e ‘avullimit’ të 2 milionë Eurove në Thesar është Kadri Shala i NISMA’s.

Atij, siç ka raportuar Gazeta Online ‘Reporteri.net’, po dyshohet se transferin ia mundësoi anëtari i PDK’së, Labinot Gruda, zyrtar në Ministri të Financave.

Shpërndaje:

NISMA distancohet nga anëtari i saj i cili u arratis për ‘avullimin’ e 2 milionë Eurove të Thesarit

Kontakti