Një foto e rrejshme është e publikuar sonte në rrjetet sociale kinse një rrugë e vjetër e qytetit të Prishtinës me kalldërm është mbuluar me asfalt.
Pas publikimit të kësaj fotoje të rrjeshme shpërthyen akuzat në rrjetet sociale duke e quajtur si një krim që po e bën Komuna e Prishtinës.
Por asamblistja e komunës së Prishtinës, Fiknete Bejta, ka sqaruar se fotoja është e rrejshme dhe se rruga “Emin Duraku” që është me kalldërm nuk është shtruar me asfalt, por vetëm me shi.
“Foto që po qarkullon në disa portale sonte nga “Qyteti i vjetër” për gjoja mbulimin e kalldërmëve me asfalt është foto e montuar.
Rruga “Emin Duraku” momentalisht është e mbuluar vetëm me shi të pranverës”, ka shkruar Bejta, shkruan Reporteri.net.