Mbrëmjen e sotme ka ndodhur një incident që çoi edhe drejt një vdekjeje, shkruan Reporteri.net. 

Zëdhënësi i Policisë në Rajonin e Prishtinës, Agron Borovci, konfirmoi se një person është plagosur dhe një ka vdekur.

“Rreth orës 21:15 është raportuar për gjuajtje me armë zjarri të ndodhur në rrugën “Jeronim De Rada” në Prishtinë. Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë dy persona kanë marrë plagë nga arma e zjarrit ku fatkeqësisht njëri nga ta ka ndërruar jetë”, tha Borovci.

Ndërkohë, tha Borovci, që e plagosura është dërguar në QKUK për trajtimin e nevojshëm mjekësor.

“Policia po vijon punën e saj me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin e të dyshuarve të implikuar në rast, si dhe sqarimin e plotë të rrethanave të ngjarjes”, tha Borovci./Reporteri.net/.