Një ligjëratë e mbajtur në cilësinë e prindit nga kryetari i Bashkësisë Islame të Kosovës (BIK), Naim Tërnava, në shkollën “Xhemajl Mustafa” në Prishtinë, ka irrituar njërin nga prindërit. Tërnava ka ligjëruar një ditë më parë për temën “Vlerat kulturore dhe toleranca ndëretnike”.
Sipas planprogramit të shkollave, çdo prind mund të ligjërojë tema të ndryshme varësisht nga profesioni.
Drejtoresha e shkollës, Vjollca Jupolli, dhe drejtoresha e Arsimit në Prishtinë, Shpresa Shala, kanë thënë se të gjithë prindërit janë të barabartë dhe se asnjërit nuk mund t’i mohohet e drejta të ligjërojë temë jashtëfetare, shkruan sot “Koha Ditore”.
“Në kuadër të ligjëratave nga prindërit e shkollës sonë, sipas planifikimit, sot në klasën III/3 u mbajt një ligjëratë nga myftiu i Kosovës, Naim Tërnava, me temën ‘Vlerat kulturore dhe toleranca ndëretnike”, thuhej në njoftimin e shkollës të publikuar të martën.
Ndërkaq të mërkurën kjo shkollë ka njoftuar se para nxënësve ka ligjëruar një tjetër prind me profesion psikologe klinike, për temën “Vështirësitë në të nxënit”.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.