Në protestën e thirrur nga opozita në Tiranë, një protestues ka goditur me grusht kreun e PD-së, Sali Berishën, shkruan Gazeta Online Reporteri.net.

Derisa po marshonte në protestë së bashku me kreun e LSI-së, Ilir Metën, Berisha u qëllua me grusht në fytyrë nga një protestues.

Reagimi ka qenë i menjëhershëm i forcave që sigurojnë Kryetarin e PD-së, derisa turma më pas e kanë sulmuar atë.

Protesta e thirrur pikërisht në ditën kur dhe po mbahet Samiti i BE-së dhe Ballkanit Perëndimor, ka mbledhur qytetarë të shumtë në sheshin “Skënderbej”.

“Europe, throw us a life vest!”, shkruhet në një prej pankartave që mbahet nga protestusit, ndërsa një tjetër thotë “‘Duam demokraci, jo stabilokraci’.

Kryeqyteti është mobilizuar dhe blinduar nga forcat e policisë teksa në patrullim janë dhe helikopterët në perimetrin e sigurisë./Reporteri.net/