Dy persona janë plagosur sot në Pejë afër fakultetit të Biznesit, e i dyshuari ende është në arrati. Njëri nga të plagosur mësohet se është familjar i kreut të AAK’së, Ramush Haradinajt.

Portali KALLXO.com raporton se i plagosuri Ahmetxhekaj është nip i familjes Haradinaj. Apo ndryshe, i plagosuri është nipi i Hilmi Haradinajt, babai i ndjerë i Ramush Haradinajt.

Rastin e ka konfirmuar Zëdhënësi i Policisë së Kosovës për rajonin e Pejës, Fadil Gashi. Gashi ka thënë se të plagosurit ndodhen jashtë rrezikut për jetë.

Në vend ngjarje janë të gjitha njësitet relevante duke u marrë me rastin.

“Sot rreth orës 12:20 përball fakultetit të Biznesit janë plagosur dy persona me armë zjarri. Njëri prej tyre ka qenë kalimtar i rastit. Të plagosurit janë dërguar për tretman mjekësor, ndërsa janë jashtë rrezikut për jetë”, ka thënë Gashi.