Çarshia e Gjakovës është ndër vendet më tërheqëse në Kosovë për t’u vizituar, kjo pasi stili i ndërtimit është tradicional, me material vendas: gurë, dru, qerpiçë etj.
Në këtë vend sot ka shumë lokale, ku bien në sy kafiteritë, por kohës i kanë mbijetuar edhe zejet e vjetra.
Pikërisht pronaret e lokaleve që “jetojnë” çdo ditë me Çarshinë e Gjakovës, me një aksion të ndërmarrë së fundmi janë përpjekur që “shtëpinë e tyre të dytë” ta bëjnë edhe më të bukur, thënë më mirë ta lulëzojnë pak, shkruan Reporteri.net.
Ata e kanë zbukuruar për stinën e verës përmes luleve, dhe tashmë edhe mërgimtarëve të kësaj ane do t’iu bëhet një pritje më e “ngrohtë”.
Në fotot e siguruara nga Reporteri.net shihet se sa bukur duket sheshi i rregulluar, dhe fare nuk ja lëshon “rrugën” maldiveve.
/Reporteri.net/.
