Policia e Kosovës ka bërë të ditur se po vazhdon me aktivitete që kanë për qëllim ngritjen e vazhdueshme të sigurisë në trafikun rrugor si dhe uljen e aksidenteve.
Policia thotë se gjatë periudhës kohore Janar – Shtator 2019, gjithsej 5573 shoferëve, iu është ndaluar drejtimi i mjetit me veprim motorik, kurse 12285 shoferëve, iu kanë vendosur pikë negative, shkruan Reporteri.net.
Policia apelon që të respektohen rregullat në trafikun rrugor, në të kundërtën u thotë vozitësve se mund të mbeteni pa patentë shoferi. /Reporteri.net/.