Votat nga diaspora po vazhdojnë të numërohen, duke sjellur një rënditje ndryshe nga rezultatet preliminare të votave në Kosovë.
Lëvizja Vetëvendosje është e para, por me një diferencë të theksuar nga e dyta, që është LDK-ja, shkruan Reporteri.net.
E tretë, siç doli edhe më 6 tetor, është PDK-ja, por befasia erdhi në vendin e katërt, që tani është koalicioni NISMA-AKR e jo koalicioni AAK-PSD.
Nga më shumë se 9500 vota, NISMA-AKR kanë marrë 604, ndërkaq AAK-PSD vetëm 477 vota deri tash.
Sidoqoftë, Lëvizja Vetëvendosje që është parti e parë ka marrë 4905 vota nga ato që janë numëruar deri tash, LDK-ja ka 1680, ndërkaq PDK-ja me 1612.
Ndryshe, në Qendrën e Numërimit dhe Rezultateve po vazhdon procesi i numërimit të 13 mijë e 500 votave të ardhura me postë, dhe ky proces pritet të përfundojë gjatë mesnatës./Reporteri.net