Nusja nga Podujeva e rrah dhe e bën për spital vjehrrën e saj

Policia e Kosovës ka arrestuar një grua në Podujevë, meqenëse e ka rrahur vjehrrën e saj, duke e bërë për spital.


Përmes raportit 24 orësh, Policia ka bërë me dije se viktima ka pranuar tretman mjekësor, derisa e dyshuara është dërguar në mbajtje.

“Podujevë 02.04.2021 – 11:30. Është arrestuar e dyshuara femër kosovare, pasi që e njëjta ka sulmuar fizikisht vjehrrën e saj viktimën femër kosovare. Viktima ka pranuar tretman mjekësor. Me vendim të prokurorit, e dyshuara është dërguar në mbajtje”, thuhet në raport.