Oda Ekonomike e Kosovës ka refuzuar kërkesën e Odës Ekonomike të Serbisë për vaksinimin e 10 mijë ndërmarrës në Ballkanin Perëndimor me vaksinën AstraZeneca, përfshirë edhe atyre nga Kosova.

Kështu ka ditur kryetari i OEK, Berat Rukiqi, përmes një shkrimi në Facebook.

Ai ka thënë se ky rast është një alarm shtesë për të gjithë që të angazhohemi në sigurimin e vaksinës.

Shkrimi i Rukiqit pa ndërhyrje:

Sot Oda Ekonomike e Serbiae, ka bere nje thirrje per vaksinimin e ndermarresve nga i gjithe rajoni i Ballkanit Perendimor, ne Beograd, pasi qe i kane siguruar 10000 vaksina nga AstraZenecca

Si Ode Ekonomike e Kosoves, kemi refuzuar kete thirrje per arsye parimore.

Ky rast dhe progresi qe kane vendet e rajonit me vaksinimin, jane edhe nje alarm shtese per te gjithe, qe te angazhohemi fuqishem ne sigurimin e vaksines. Bizneset tona jane te gatshme te perkrahin institucionet e vendit, ne kete proces dhe ne proces tjera qe na ndihmojne t’i japim fund krizes shendetsore.