Parim Olluri, gazetar, ka thënë se në kuadër të programit qeverisës të Qeverisë Kurti për rimëkëmbje ekonomike, do duhej të përfshiheshin edhe rikthimi i aktiviteteve të lojërave të fatit.

Olluri këto deklarime i ka bërë në emisionin ‘Pressing’ në T7, teksa e ka arsyetuar këtë vendim, duke thënë se nevojiten reforma radikale për përmirësim të buxhetit të vendit.

“Është dashtë tek plani ekonomik rikthimi i kazinove dhe bastoreve. Mendoj që një vend që nuk arrin me e rrit buxhetin, atëherë duhet të merren vendime radikale që e shtojnë buxhetin e Kosovës”, ka thënë ndër të tjera ai.

Ai, tutje kritika ka pasur edhe për ministritë përgjegjëse për ekonominë e vendit.

“Ajo që është ministre e Ekonomisë, këshilltarët e saj duhet ta kenë të qartë se cilat janë ato asete që e rrisin ekonominë në Kosovë”, thotë tutje ai.