Mot më i nxehtë dhe me intervale më të gjata me diell parashihet për ditën e martë. Pasdite përreth viseve malore do të ketë zhvillime të vransirave lokale, që edhe mund të formojnë kushte për ndonjë rrebesh të shkurtër shiu me bubullimë, njofton Prishtina Weather.

Temperaturat minimale zbresin në 13C e 16C, derisa ato maksimale shkojnë deri në 30C e 31C.

Nga mesi i javës sërish paraqitet mot jostabil, me zhvillime të rrebesheve me bubullima përgjatë vendit, ditën e mërkurë dhe të premte.

Nuk mungojnë edhe intervale me diell, që do të jenë më të shumta ditën e enjte. Temperaturat pësojnë një rënie të lehtë në 25C e 28C.