Kreu i Aleancës Kosova e Re, Behgjet Pacolli, ka zhvilluar sot një bisedë telefonike me të dërguarin special të Bashkimit Evropian për dialogun Kosovë-Serbi, Miroslav Lajçak.

Përmes një postimi në rrjetin social Facebook, Pacolli ka thënë se me Lajçak biseduan për zhvillimet e fundit në Kosovë, shkruan Reporteri.net.

Ai ka deklaruar se duhet të vazhdojë dhe të përfundojë me njohjen reciproke ndërmjet Kosovës dhe Serbisë në kufjitë e njohur ndërkombëtarisht dhe rendin aktual kushtetues të Kosovës.

Ky është postimi i tij i plotë:

Zhvillova sot një bisedë telefonike me të Dërguarin Special të BE-së për dialogun Kosovë-Serbi, Miroslav Lajcak, me të cilin kemi shkëmbyer mendime mbi zhvillimet e fundit në Kosovë. Dialogu duhet të vazhdojë dhe të përfundojë me njohjen reciproke ndërmjet Kosovës dhe Serbisë në kufijtë e njohur ndërkombëtarisht dhe rendin aktual kushtetues të Kosovës. Kjo është zgjidhja e vetme për paqen e qëndrueshme në rajon dhe zhbllokimin e perspektivës euro-atlantike.

/Reporteri.net