Deputeti i Aleancës për Ardhmërinë e Kosovës, Pal Lekaj, ka reaguar pas deklaratave të kryetarit të Kuvendit, Glauk Konjufca, lidhur me liderin e AAK-së, Ramush Haradinaj.
Përmes një postimi në rrjetin social Facebook, Lekaj i është drejtuar Konjufcës duke i thënë se ‘Ramushi është arrë e fortë’, shkruan Reporteri.net.
“Glauk, tash je Kryekuvendar, më i fuqishëm por prap Ramushi është arrë e fortë.”, ka shkruar ai.
Po ashtu ai ka pyetur kreun e Kuvendit se për kënd po punojnë, pasi që sipas tij, paraqitja e Konjufcës mbrëmë ishte në të njëjta frekuenca valore me regjimin e Serbisë.
“Glauk mbramë je duke në të njejtat frekuenca valore me regjimin e Serbisë famkeqe.”
“Për kend dreqin po punoni.”, ka përfunduar Lekaj.
Ndryshe, kryekuvendari Konjufca, të hënën në një emision në T7, ka thënë se sh-kryeministri Haradinaj i ka punët shumë keq me korrupsionin dhe sipas tij, është e mundshme që i njëjti të përfundojë në prokurori.
“Z. Haradinaj personalisht i ka puntë shumë keq me korrupsionin. Në bazë të mandateve të kaluara, është shumë e mundshme me përfundu në Prokurori. Kështu që, z. Haradinaj është më e mundshme që të shpenzojë më shumë kohë me vetën, sesa që të merret me Qeverinë Kurti”, ka thënë ai.
Ky është postimi i plotë i Lekajt:
Glauk, tash je Kryekuvendar, më i fuqishëm por prap Ramushi është arrë e fortë.
Glauk mbramë je duke në të njejtat frekuenca valore me regjimin e Serbisë famkeqe. Edhe ata që 20 vite thërrasin, shpifin, trillojnë dhe kërcnojnë me burgos Ramushin dhe Kosovën me shpallë shtet të dështuar.
Ramushi është asht i fort që nuk thyhet! Atë që Serbia nuk mundi t’a bëjë me krimet e pretenduara gjatë luftes, tash ju po vazhdoni me pretendime te orkestruara.
Për kend dreqin po punoni.
Nuk mund ti mashtroni qytetaret me rrena për ta zhvendosur vemendjen nga keqmenaxhimi i Qeverisë Kurti, nga vjedhjet , emrimet e familjareve nipave e tezeve dhe fatkeqesisht vdekjeve e më të dashureve tanë nga Covid 19 nga keqmenaxhimi e injoranca e juaj!
/Reporteri.net